കൊല്ലം ജില്ലാ പ്രവാസി സമാജവുമായി സഹകരിച്ച് ബിഡികെ കുവൈത്ത് രക്തദാനക്യാമ്പ് സംഘടിപ്പിച്ചു.

കുവൈറ്റ് സിറ്റി: ബ്ലഡ് ഡോണേഴ്സ് കേരള കുവൈറ്റ് ചാപ്റ്റർ കൊല്ലം ജില്ലാ പ്രവാസി സമാജത്തിന്റെ പങ്കാളിത്തത്തോടെ സമാജത്തിന്റെ പതിമൂന്നാം വാർഷികത്തോടനുബന്ധിച്ച് രക്ത ദാനക്യാമ്പ് സംഘടിപ്പിച്ചു. അന്തരിച്ച കുവൈത്ത് അമീർ, ശൈഖ് സബാഹ് അൽ അഹമ്മദ് അൽ ജാബർ അൽ സബാഹിന്റെ സ്മരണാർത്ഥം കൂടിയായാണ് ക്യാമ്പ് സംഘടിപ്പിച്ചത്.നവംബര്‍ 20ന് രാവിലെ 9 മുതൽ ഉച്ചയ്ക്ക് 1 മണി വരെ അദാൻ ഹോസ്പിറ്റലിന് സമീപമുള്ള കോഓപ്പറേറ്റീവ് ബ്ലഡ് ട്രാൻസ്ഫ്യൂഷൻ സെന്ററിൽ നടന്ന ക്യാമ്പിൽ 120 പേർ രക്തം ദാനം ചെയ്തു. ഡിലൈറ്റ്സ് മ്യൂസിക് ബാൻഡിന്റെ വെർച്വൽ മ്യൂസിക്കൽ ലൈവും ക്യാമ്പിനോടനുബന്ധിച്ച് നടത്തുകയുണ്ടായി. സമാജം വൈസ് പ്രസിഡന്റ് ഡോക്ടർ സുബു തോമസ് അധ്യക്ഷത വഹിച്ച ചടങ്ങിൽ രഘുബാൽ ബിഡികെ സ്വാഗതവും ഡോക്ടർ രാജേഷ് പോനത്തിൽ ക്യാമ്പ് ഉദ്ഘാടനവും നിർവഹിച്ചു . സമാജം ജനറൽ സെക്രട്ടറി അലക്സ് മാത്യു, രക്ഷാധികാരികളായ ജേക്കബ് ചണ്ണപ്പേട്ട, ജോയി ജോൺ തുരുത്തിക്കര, BDK രക്ഷാധികാരി മനോജ് മാവേലിക്കര, രാജൻ തോട്ടത്തിൽ, ICSG ചീഫ് കോർഡിനേറ്റർ സുരേഷ് കെ പി, രക്തദാന ക്യാമ്പ് പ്രോഗ്രാം കോർഡിനേറ്റർ ജയൻ സദാശിവൻ എന്നിവർ ആശംസകൾ അറിയിച്ചു.കൊല്ലം ജില്ലാ പ്രവാസി സമാജം ഭാരവാഹികളായ പ്രമിൽ പ്രഭാകരൻ, ബിനിൽ T. D, ബൈജു മിഥുനം, വത്സരാജ്, അബ്ദുൽ വാഹിദ്, ലാജി എബ്രഹാം, സജിമോൻ, വനിതാ വേദി കൺവീനർ റീനി ബിനോയ്‌, റെജി മത്തായി, സലിൽ വർമ്മ, വർഗീസ് വൈദ്യൻ, രഞ്ജന ബിനിൽ, ആശാ പ്രശാന്ത്, ലിനി ജയൻ എന്നിവർക്കൊപ്പം സമാജം യൂണിറ്റ് എക്സിക്യൂട്ടീവ് അംഗങ്ങളും ടീം BDK അംഗങ്ങളായ നളിനാക്ഷൻ, റോസ്മിന്‍, സോയൂസ്സ്, ജയകൃഷ്ണന്‍, ബീന, ജോളി, വേണുഗോപാൽ, മുനീർ പിസി, അജിത് ചന്ദ്രൻ, സുരേന്ദ്രമോഹൻ, ജിതിൻ, ശാലിനി എന്നിവരും രക്തദാന ക്യാമ്പിന് നേതൃത്വം നൽകി. സമാജം ട്രഷറർ തമ്പി ലൂക്കോസ് ക്യാമ്പിൽ പങ്കെടുത്തവർക്ക് നന്ദി പ്രകാശിപ്പിച്ചു.വിവിധ സംഘടനകളുടെ പിന്തുണയോടെ കോവിഡ് കാലത്ത് ബിഡികെ സംഘടിപ്പിക്കുന്ന 6 മത്തെ ക്യാമ്പ് ആണ് കഴിഞ്ഞത്.സെൻട്രൽ ബ്ലഡ് ബാങ്കുമായി സഹകരിച്ച് രക്തദാനക്യാമ്പുകൾ, ബോധവൽക്കരണ ക്ലാസ്സുകൾ തുടങ്ങിയ രക്തദാനപ്രചരണ പ്രവർത്തനങ്ങളിൽ പങ്കാളികളാകാൻ താത്പര്യമുള്ളവരും, അടിയന്തിര ഘട്ടത്തിൽ രക്തദാതാക്കളുടെ സൗജന്യസേവനം ആവശ്യമുള്ളവരും ബിഡികെ കുവൈത്തിന്റെ ഹെൽപ്പ് ലൈൻ നമ്പരുകളായ 6999 7588 / 5151 0076 എന്നിവയിലൊന്നിൽ ബന്ധപ്പെടാവുന്നതാണ്.